Такое кароткае жыццё...
Брагін Аляксей Фёдаравіч (н. 14.3. 1905 г.) — арганізатар і кіраўнік партызанскага руху на Беларусі. Да вайны працаваў сакратаром Мінскага абкома КП(б)Б. Пакінуты для падпольнай работы ў тыле ворага, займаўся стварэннем падпольных райкомаў, арганізацыяй партызанскіх атрадаў на тэрыторыі Мінскай і Палескай абласцей . Быў схоплены ворагамі ў кастрычніку 1941 г., пасля доўгіх допытаў і катаванняў забіты пры спробе пабегу.
А. Ф. Брагін пасмяротна ўзнагароджаны ордэнам Леніна. Яго імем была названа партызанская брыгада.

Нядоўгім быў удзел у вайне А. Ф. Брагіна. Трагічна склаўся яго лес, столькі ён мог бы яшчэ зрабіць — і не паспеў за свае 36 гадоў... На пасадзе сакратара Мінскага абкома КП(б)Б ён таксама працаваў нядоўга, з сакавіка 1941 г. За гэты час паспеў пазнаць людзей у вобласці, пазнаёміцца са станам спраў — і наступіў чорны дзень 22 чэрвеня. 3 самага пачатку вайны Аляксей Фёдаравіч акунуўся ў яе пекла, у неспакойную, трывожную, новую для яго ваенную справу, у якой паказаў сябе стойкім і мужным байцом.
  У той цёмны асенні вечар А. Ф. Брагін разам з членам бюро Мінскага абкома Я. Д. Гарбачовым накіраваўся на сустрэчу з падполыпчыкамі ў былы саўгас «10-годдзе БССР». Нечакана ў вячэрнім змроку каля пасёлка Багуслаўка натыкнуліся на варожую засаду. Правакатар, з мясцовых, паказаў на Брагіна. Пачалася перастрэлка, Аляксей Фёдаравіч быў паранены. Гарбачоў выносіў таварыша з поля бою, але нечакана наляцела некалькі конных гітлераўцаў.
 
 Помнік А. Ф. Брагіну ў Любані
Знямоглага ад страты крыві А. Ф. Брагіна схапілі, прывезлі ў в. Турок. Доўга цягнуліся жорсткія допыты патрыёта. Сакратар абкома, паранены і знямоглы, страціўшы шмат крыві, мужна пераносіў катаванні і здзекі. На адным з допытаў схапіў стул і ўдарыў фашыста, кінуўся да акна, але варожая куля дагнала патрыёта... Раз'юшаныя гітлераўцы забаранілі хаваць А. Ф. Брагіна.
  У гарадскім скверы Любані ў 1964 г. устаноўлены помнік А. Ф. Брагіну (скульптар Б. Івонцьеў) — рашучы разварот плеч, мужны, ад крыты твар. Такім яго ведаюць і памятаюць любанцы, адважным і смелым воінам, барацьбітом. Імя А. Ф. Брагіна, узнагароджанага ордэнам Леніна і медалём «Партызану Айчыннай вайны» I ст., носіць адна з вуліц г.Любані.

В. Р. Феранц


Комментарии
Добавить новый Поиск
Оставить комментарий
Имя:
Email:
 
Тема:
UBB-Код:
[b] [i] [u] [url] [quote] [code] [img] 
 
 
Пожалуйста, введите проверочный код, который Вы видите на картинке.

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 
 Каталог TUT.BY