Ёсць дзе адпачыць
Некалькі гадоў назад бераг Арэсы, што працякае каля самых будынкаў Любані, быў непрыбраным і запушчаным. Звычайны луг, на якім пасвіліся любанскія козы... Менавіта тут, ніжэй моста праз рэчку на глускай дарозе, вырашана было стварыць парк. У 1989 г. Да Арэсы прыйшла тэхніка, быў выраўнены і спланаваны ландшафт. Штогод вясной і восенню прыходзілі з рыдлёўкамі работнікі камунгаса, усе гараджане.
  На плошчы больш 20 гектараў быў высаджаны выдатны, багаты відавой разнастайнасцю парк, у якім сёння расце 56 парод дрэў і кустоў. Асфальтавыя і бетонныя дарожкі, з густам дэкаратыўна аформлены ўваход, дзесяткі атракцыёнаў. Ёсць кінатэатр, дыскатэчная пляцоўка, памяшканні для адпачынку з гульнявымі аўтаматамі, більярднымі пакоямі, відэасалонам. Абсталявана майстэрня па вырабу керамікі. Парк стаў любімым месцам адпачынку гараджан, дзе можна весела, з карысцю правесці час.
 
 Парк культуры і адпачынку ў г. Любань
Не менш папулярнае месца — гарадскі стадыён, будаўніцтва якога закончана ў 1990 г. Метадам народнага будаўніцтва быў часткова рэканструяваны стары стадыён, але асноўная частка ўзведзена нанава — глядзельныя трыбуны, якія адначасова могуць змясціць 5 тысяч чалавек, гульнявыя пляцоўкі, месцы для правядзення спаборніцтваў практычна па ўсіх відах спорту. Тут праводзяцца ўсе раённыя спартыўныя мерапрыемствы і спаборніцтвы, абласныя, нярэдка — рэспубліканскія. Часта выступаюць госці горада, калектывы мастацкай самадзейнасці.

В. I. Карпіевіч


Комментарии
Добавить новый Поиск
Оставить комментарий
Имя:
Email:
 
Тема:
UBB-Код:
[b] [i] [u] [url] [quote] [code] [img] 
 
 
Пожалуйста, введите проверочный код, который Вы видите на картинке.

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 
 Каталог TUT.BY