Герои соц. труда

Астрэйка Уладзімір Цімафеевіч
Астрэйка Уладзімір Цімафеевіч (1973 г.). Нарадзіўся у 1930 г. у м. Любань, адразу пасля вызвалення раёна пачаў працаваць у калгасе. Закончыў курсы трактарыстаў, служыў у арміі і зноў вярнуўся ў родную гаспадарку. У 1970 г. узначаліў механізаванае звяно па вырошчванню бульбы, яно вырасціла рэкордны ўраджай — кожны гектар даў па 482 ц клубняў. У. Ц. Астрэйка быў узнагароджаны ордэнам Працоўнага Чырвонага Сцяга. 3 гадамі расло майстэрства і вопыт звяна, ураджайнасць бульбяных палеткаў пастаянна павышалася.
Подробнее...
 
Белічонак Іван Мікалаевіч
Белічонак Іван Мікалаевіч (1965 г.). Нарадзіўся ў 1934 г., усё сваё працоўнае жыццё звязаў з сельскай гаспадаркай. Быў трактарыстам, вырошчваў кукурузу, бульбу, потым цукровыя буракі. У 1963 г. на кожным гектары звяно I. М. Белічонка атрымала болып 400 ц салодкага кораня.
Подробнее...
 
Галай Пелагея Іванаўна
Галай Пелагея Іванаўна (1950 г.). Нарадзілася ў 1915 г. у в. Арлёва. У пасляваенныя гады ўзначаліла звяно, а пазней брыгаду па вырошчванню кок-сагызу. У 1950 г. яна атрымала ўраджай гэтай культуры на плошчы ў 6,2 га 68,5 ц з 1 га. Узнагароджана двума ордэнамі Працоўнага Чырвонага Сцяга, медалямі.
Подробнее...
 
Герман Настасся Рудольфаўна
Герман Настасся Рудольфаўна (1971 г.). Нарадзілася ў 1920 г. у в. Новыя Юрковічы. 3 15 гадоў пачала працаваць на свінаферме калгаса «Сталёвы конь», была ўдзельніцай ВДНГ СССР. Пасля вызвалення раёна ад нямецка-фашысцкіх захопнікаў Н. Р. Герман стала цялятніцай, дабівалася найвышэйшых паказчыкаў на адкорме жывёлы.
Подробнее...
 
Казачок Алег Вікенцьевіч
Казачок Алег Вікенцьевіч (1974 г.). Нарадзіўся ў 1940 г., у 17-гадовым узросце пачаў працоўную дзейнасць у саўгасе «Любанскі». У 1970 г. прызначаны звеннявым камсамольска-маладзёжнага звяна па вырошчванню бульбы. За першыя суткі работы двума камбайнамі «Дружба» бульбаводы ўбралі 16,8 га і накапалі 6130 ц клубняў, ураджайнасць склала 382 ц з 1 га. У той сезон механізатары звяна А. В. Казачка ўбралі 134га і накапалі 4088 т бульбы.
Подробнее...
 
Калыска Павел Лаўрэнцьевіч
Калыска Павел Лаўрэнцьевіч (1948 г.). Нарадзіўся ў 1896 г. Калі на Любаншчыне пачалі асушацца Мар'інскія балоты, адным з першых прыехаў на будаўніцтва новага саўгаса, быў брыгадзірам.
Подробнее...
 
Клюбко Адам Адамавіч
Клюбко Адам Адамавіч (1966 г.). На радзіўся ў 1923 г., у гады вайны змагаўся з ворагам у партызанскім атрадзе імя Даватара, затым ён — воін Чырвонай Арміі, дайшоў да Берліна. У пасляваенны час А. А. Клюбко стаў механізатарам, узначаліў звяно на вырошчванню бульбы. У 1965 г. з кожнага гектара было атрымана 317 ц клубняў, сабекошт цэнтнера склаў 1 руб. 8 кап.
Подробнее...
 
Модзін Эмануіл Натанавіч
Модзін Эмануіл Натанавіч (1968 г.). Нарадзіўся ў 1905 г., у 16 гадоў пачаў працаваць на запалкавай фабрыцы «Хваля рэвалюцыі». Служыў у Чырвонай Арміі, пасля дэмабілізацыі разам з сябрамі паехаў на Любаншчыну, дзе на Мар'інскіх балотах прыступіў да будаўніцтва саўгаса. Кіраўніком яго быў выбраны Э. Н. Модзін.
Подробнее...
 
Пайграй Ульяна Іванаўна
Пайграй Ульяна Іванаўна (1948 г.). Нарадзілася ў 1919 г., пасля вайны пачала працаваць у саўгасе «10-годдзе БССР». У 1947 г. сабралі па 30,3 ц жыта з кожнага гектара, на 273 ц бульбы. Да глыбокай старасці шчыравала Ульяна Іванаўна ў калгасе.
Подробнее...
 
Папко Канстанцін Сцяпанавіч
Папко Канстанцін Сцяпанавіч (1966 г.). Нарадзіўся ў 1933 г., усё жыццё пражыў у в. Сосны. Тут стаў механізатарам, адным з лепшых у саўгасе «10-годдзе БССР». Яму даверылі звяно па вырошчванню бульбы. 3 году ў год члены механізаванага звяна атрымлівалі высокія ўраджаі «другога хлеба».
Подробнее...
 
Саўчык Фёдар Аляксандравіч
Саўчык Фёдар Аляксандравіч (1948 г.). Нарадзіўся ў 1915 г., удзель-нік Вялікай Айчыннай вайны. Працаваў у саўгасе «10-годдзе БССР» брыгадзірам паляводчай брыгады. Асабліва вызначыліся хлебаробы брыгады ў 1947 г., калі з кожнага гектара было атрымана па 180 пудоў збожжавых. Памёр у 1975 г.
Подробнее...
 
Слабада Аляксандр Іванавіч
Слабада Аляксандр Іванавіч (1964 г.). Нарадзіўся ў 1920 г., юнаком уступіў у калгас, потым служыў у арміі. 3 першых дзён Вялікай Айчыннай вайны на фронце. 3 ліпеня 1941 г. па чэрвень 1942 г. камандаваў узводам разведроты на Заходнім фронце, удзельнічаў у баях пад Магілёвам, Оршай, Смаленскам, абараняў Маскву. У 1941 г. за паспяховую аперацыю па ўзяццю ў палон «языка» ўзнагароджаны ордэнам Чырвонага Сцяга. Другі ордэн Чырвонага Сцяга атрымаў Аляксандр Слабада ў лютым 1942 г.
Подробнее...
 
Смірноў Цімафей Ягоравіч
Смірноў Цімафей Ягоравіч (1958 г.). Нарадзіўся ў 1896 г., удзельнік першай сусветнай і грамадзянскай войнаў, камісар палка першай Сібірскай брыгады. У мірны час займаў розныя пасады ў сельскагаспадарчай вытворчасці. У 1939 г. Ц. Я. Смірноў узначаліў саўгас «10-годдзе БССР». 
Подробнее...
 
Статкевіч Фёдар Мікалаевіч
Статкевіч Фёдар Мікалаевіч (1950 г.). Нарадзіўся ў 1907 г. у в. Старасек, з дзяцінства пазнаў смак хлеба, заробленага сваёй працай. Пасвіў кароў у заможных сялян, хадзіў за плугам, пакуль Статкевічы ў 1930 г. не ўступілі ў калгас. Фёдар пайшоў на курсы механізатараў і з восені 1931 г. пачаў працаваць на асушаных тарфяніках.
Подробнее...
 
Стыкут Настасся Ігнатаўна
Стыкут Настасся Ігнатаўна (1947 г.). Нарадзілася ў 1918 г., з маладых гадоў працавала ў калгасе. У пасляваенныя гады ей даручылі ўзначаліць паляводчае звяно, якое з году ў год вырошчвала небывала высокія ўраджаі збожжавых культур.
Подробнее...
 
Сушчэня Рыгор Паўлавіч
Сушчэня Рыгор Паўлавіч (1950 г.). Нарадзіўся ў 1918 г. у в. Рэдкавічы. Быў адным з першых трактарыстаў на Любаншчыне, доўгі час працаваў у раённай МТС. На калгасных палях стаханавец не ведаў адпачынку, выконваў па тры нормы.
Подробнее...
 
Шаплыка Аляксандра Аляксандраўна
Шаплыка Аляксандра Аляксандраўна (1949 г.). Нарадзілася 25.4.1883 г., пражыла вялікае, цяжкае працоўнае жыццё. Ужо пажылой жанчынай уступіла ў калгас, на розных работах — праполцы льну, буракоў, проса, уборцы збожжавых, бульбы, на сенажаці шчыравала нараўне з маладымі. У 1948-м яе прозвішча абляцела ўсю краіну: на плошчы 6 га быў вырашчаны ўраджай кок-сагызу па 80 ц.
Подробнее...
 
Шаплыка Кузьма Іванавіч
Шаплыка Кузьма Іванавіч (1951 г.). Нарадзіўся ў 1916 г. у в. Рэдкавічы. У сярэдзіне 30-х гадоў ён быў адным з самых маладых калгаснікаў арцелі «Зара Камуны», але за шчырасць і стараннасць яго прызначылі брыгадзірам. Пасля службы ў арміі працаваў шафёрам у родным калгасе, у гады вайны быў партызанам атрада імя Чапаева, разведчыкам. За баявыя справы Кузьма Шаплыка ўзнагароджаны ордэнам Чырвонай Зоркі, медалямі «За адвагу», «За баявыя заслугі».
Подробнее...
 


 Каталог TUT.BY